«Իշխանությունը չունի մանդատ երկիրը նոր զիջումների տանելու: Արձանագրում թիվ 2. հայ ժողովուրդը միասնական դուրս եկավ փողոց եւ ամբողջ աշխարհին ասաց, որ ինքը իր ճակատագրի եւ ապագայի տերն է, հայ ժողովուրդն է որոշում, որ տեր է Արցախին, տեր է Հայաստանին, փաստեց, որ հայ ժողովրդի ճակատագիրը Ալիեւից եւ Նիկոլից կախված չէ»,-ասաց նա:
Իշխան Սաղաթելյանը նշեց, որ մայիսի 1-ը պատմական օր է, միասնականության եւ վերջնական հաղթանակի գնալու սկիզբ է:
«Շատ կարճ ժամանակահատվածում մենք պետք է այդ կապիտուլյանտին ենթարկենք կապիտուլյացիայի, սա է մեր առջեւ դրված խնդիրը»,-ասաց նա:
Մայիսի 1-ի հանրահավքաին եկել են Հայաստանի բոլոր մարզերից, Արցախից։ Հանրահավաքին մասնակցում են նաև Մայր Աթոռ Սուրբ Էջմիածնի հոգևորականները։
«Հայ ժողովուրդը ոտքի է կանգնել, Նիկոլը պետք է հեռանա, որովհետև նա Արցախն ու Հայաստանը տանում է կործանման։ Մենք նոր պատերազմ չենք ուզում, դուրս ենք եկել պայքարի՝ հանուն իրական խաղաղության։ Մեր օրակարգը մեկն է՝ Նիկոլ Փաշինյանի հեռացումը, որպեսզի լինի խաղաղություն»,- իր ելույթում նշեց Արամ Վարդևանյանը։
