Ինչպես հայտնի է՝ այսօր Կարեն Դեմիրճյանի մարզահամերգային համալիրում տեղի կունենա «Մանկական Եվրատեսիլ»-ի եզրափակիչ փուլը:
Կազմակերպիչների պնդմամբ՝ կազմակերպչական աշխատանքները պատշաճ իրականացնելու համար մարզահամերգային համալիրի դռներն այսօր 17:30-ից արդեն փակ կլինեն:
20-րդ հոբելյանական «Մանկական Եվրատեսիլին» կմասնակցեն 16 երկրի ներկայացուցիչներ, որոնց կմիավորի «Պտտի՛ր հրաշքը» կախարդական կարգախոսը: Այս տարվա խորհրդանիշը գունազարդ հոլն է: Մասնակից երկրներն են՝ Ալբանիա, Իռլանդիա, Իտալիա, Իսպանիա, Լեհաստան, Հայաստան, Հյուսիսային Մակեդոնիա, Ղազախստան, Մալթա, Նիդեռլանդներ, Պորտուգալիա, Սերբիա, Ուկրաինա, Միացյալ Թագավորություն, Վրաստան, Ֆրանսիա:
Տարվա ամենասպասված իրադարձությունը տեղի կունենա դեկտեմբերի 11-ին, ժամը 19:00-ին, Կարեն Դեմիրճյանի անվան մարզահամերգային համալիրում:
