Մայիսի 7-ին՝ ժամը 9։30-ին, Դիմադրության շարժումն ավտորեթեով մեկնելու է Վանաձոր. ժամը 12։00-ին Ֆրանսիայի հրապարակից մեկնարկելու է կանանց երթը

Դիմադրության շարժումը Ֆրանսիայի հրապարակում էր։ Իշխան Սաղաթելյանն իր ելույթում ասաց.«Այս չարիքի կառավարությանը հեռացնելուց հետո Առանց Նիկոլ Հայաստանում լինելու է համերաշխություն, Առանց Նիկոլ Հայաստանի Հանրապետության քաղաքացին ապրելու է անվտանգ, առանց Նիկոլ Հայաստանում արդեն ՀՀ քաղաքացին ապրելու է ազատ, բարեկեցիկ, գյուղացին այս օրերին չի մտածելու սերմնացուի, պարարտանյութի, բազմաթիվ հոգսերի մասին, մենք միասնաբար, կենտրոնացնելով մեր ողջ ժողովրդի ներուժը, բացառելով նախկինում տեղ գտած թերությունները և սխալները, համախմբվելու ենք, բռունցք դառնանք և կառուցենք ուժեղ, անվտանգ և հզոր Հայաստան։ Նիկոլով սա հնարավոր չէ»,-ասաց Իշխան Սաղաթելյանը։
Համախմբման անդամ, ՀՀ վաստակավոր արտիստ, երգիչ Արսեն Գրիգորյանը (Մրո) դիմեց ներկաներին` նշելով, որ պահանջ է ներկայացվում, որ Նիկոլ Փաշինյանը հեռանա, իսկ դրա պատճառները շատ են։
«Մենք բազմիցս ներկայացրել ենք, թե ինչու պետք է նա հիմա հեռանա, քանի որ օրեցօր պարզ դարձավ, որ Փաշինյանը չի ներկայացնում հայի ու Հայաստանի շահերը, այլ ներկայացնում է Ադրբեջանի և Թուրքիայի շահերը։ Նա շատ վատ բաներ է արել մեր երկրի բոլոր ոլորտների հետ, Արցախի հետ, անընդհատ ձախողումներ, իսկ մենք լռում ենք, ի՞նչու։ Մենք որ չենք լռելու։ Նա մեր ժողովրդի մեջ պառակտում մտցրեց, բայց մենք իրար սիրող ու հարգող ժողովուրդ ենք, մենք մեր թասիբն ամբողջ աշխարհում պահող ենք, նա պառակտեց, որ տիրի Հայաստանին, իր միջոցով Թուրքիան և Ադրբեջանը տիրեն»,-ասաց Արսեն Գրիգորյանը` հավելելով, որ չեն թողնելու։