«Ղարաբաղ Տելեկոմ»-ը սակագների բարձրացման մասին լուրերը հերքում է
Վերջերս սոցիալական ցանցերում շրջանառվող լուրերը, թե իբր Ղարաբաղ Տելեկոմի կողմից մատուցվող ծառայություններում գնաճ է նախատեսվում, չի համապատասխանում իրականությանը:
«Արցախպրես»-ի հաղորդմամբ՝ այս մասին տեղեկացնում են «Ղարաբաղ Տելեկոմ» ՓԲ ընկերությունից՝ նշելով, որ մոտ ապագայում ընկերության կողմից գործող սակագների աճ չի նախատեսվում:
«Ինչպես նաև ընկերությունը պարբերաբար մշակում է տարբեր առաջարկներ՝ բաժանորդներին տալով հնարավորություն ստանալ ավելի մատչելի և շահավետ ծառայություններ: Ընկերության կողմից մատուցվող ծառայություններն ու սակագները հաստատվում ու վերահսկվում են ԱՀ հանրային ծառայությունները և տնտեսական մրցակցությունը կարգավորող պետական հանձնաժողովի կողմից: Ղարաբաղ Տելեկոմի կողմից մատուցվող ծառայություններին ու սակագներին կարող եք ծանոթանալ Ընկերության պաշտոնական կայքէջում»,-հավելել են «Ղարաբաղ Տելեկոմ»-ից:
