Նախնական ենթադրությունների համաձայն, հնարավոր է, որ Հայաստանի կառավարությունը փորձում է շեղել հասարակության ուշադրությունը որոշ խնդիրներից։ Ես կարող եմ միայն ենթադրություն անել։ Դուք կարող եք հարց տալ, թե ինչ է փորձում թաքցնել կառավարությունը այս հարձակումների միջոցով։ Ինչի՞ց է վախենում։ Այս մասին լրագրողների հետ հանդիպման ժամանակ հայտարարել է հայտնի միջազգային իրավաբան և մարդու իրավունքների միջազգային պաշտպան Ռոբերտ Ամստերդամը։
Նրա խոսքով, այս գործի համատեքստում անհրաժեշտ է նաև պայքարել քաղաքական միջոցներով։
«Մենք կգնահատենք եկեղեցու վրա հարձակումների իրական պատճառները, կգնահատենք, թե ինչպես կարելի է ազդել Հայաստանի կառավարության վրա։ Մենք նաև կշարունակենք պահանջել հրաժարվել հարձակումներից և չփորձել վերահսկել եկեղեցական գործընթացները։ Դա անընդունելի է։ Ուկրաինացիները փորձում են դա անել ուղղափառ եկեղեցու նկատմամբ և մենք մի քանի տարի է ինչ ագրեսիվորեն պայքարում ենք նրանց դեմ։
«Կհիշեցնեմ, որ ԱՄՆ փոխնախագահ Ջեյ Դի Վենսը Սենատում ի օգուտ մեզ է արտահայտվել և հստակ հայտարարել է, որ աջակցում է քրիստոնեությանը։ Մենք կցանկանայինք այս խնդիրը ներկայացնել հայկական համայնքին, որպեսզի եկեղեցին պաշտպանված լինի»,- հավելել է Ամստերդամը։
