ՀԷՑ-ի գործադիր տնօրենի տեղակալ, իրացման բաժնի տնօրեն Դավիթ Ղազինյանն աշխատանքից ազատվել է. հայտնել է ընկերության մամուլի խոսնակ Նատալյա Սարջանյանը։
Հիշեցնենք, որ ժամանակավոր կառավարիչ նշանակված Ռոմանոս Պետրոսյանը աշխատանքային առաջին օրը հայտարարել է, թե «Ղազինյանը ձև չունի» մնալու իր պաշտոնին, քանի որ մեկն է նրանցից, ով ընկերությունն «այս վիճակին է հասցրել»։
Նրա այդ հայտարարությունից հետո մամուլում շրջանառվում էր, որ Ռոմանոս Պետրոսյանի հրամանով Ղազինյանն աշխատանքից ազատվել է։
