Եվրամիությունը դատապարտում է հացահատիկի գործարքը դադարեցնելու Ռուսաստանի որոշումը. հայտարարել է Ռուսաստանում ԵՄ պատվիրակությունը. գրում է «Կոմերսանտը»։
Ըստ ԵՄ-ի՝ «Ռուսաստանը միանձնյա արգելափակում է Ուկրաինայից արտահանման կարեւորագույն ուղիներից մեկը»։ Եվրոպան կարծում է, որ Մոսկվան «ամբողջական պատասխանատվություն է կրում ամբողջ աշխարհում հացահատիկի մատակարարման ընդհատումների և պարենային ապրանքների համաշխարհային գների աճի համար»։
Ըստ ԵՄ-ի՝ հացահատիկի գործարքն օգնեց ապահովել գրեթե 33 միլիոն տոննա հացահատիկի և պարենի անվտանգ արտահանումը 45 երկիր: «ԵՄ-ն կոչ է անում Ռուսաստանին վերանայել իր որոշումը և անհապաղ վերսկսել Սևծովյան հացահատիկի նախաձեռնության իրականացումը»,- ասվում է ԵՄ պատվիրակության հայտարարության մեջ, որը հրապարակվել է Telegram-ում։
Հացահատիկի գործարքը Ռուսաստանի, Ուկրաինայի, Թուրքիայի և ՄԱԿ-ի միջև կնքվել է 2022 թվականի ամռանը։ Այն նախատեսում էր ուկրաինական հացահատիկի արտահանում Սև ծովով և վերացնում ռուսական պարարտանյութերի ու սննդամթերքի մատակարարման խոչընդոտները։ Հացահատիկի գործարքն ավարտվել է այսօր՝ հուլիսի 18-ին, ռուսական կողմի չկատարած պահանջների պատճառով, ինչը կհանգեցնի ցորենի գների բարձրացան։ Ուկրաինայի նախագահ Վլադիմիր Զելենսկին առաջարկել է շարունակել հացահատիկի գործարքի իրականացումն առանց Ռուսաստանի Դաշնության մասնակցության։
