ՀՀ վարչապետ Նիկոլ Փաշինյանը X-ի (Թվիթեր) իր միկրոբլոգում անդրադարձել է Գեղարքունիքի ուղղությամբ Ադրբեջանի այսօրվա ագրեսիային:
«Այսօր ադրբեջանական զինուժը անօդաչու թռչող սարքերի և ականանետերի կիրառմամբ գրոհել է Սոթքի և Նորաբակի ուղղությամբ գտնվող հայկական մարտական դիրքերը, ինչի հետևանքով զոհվել է 3 և վիրավորվել 2 զինծառայող։ Հայաստանի տարածքային ամբողջականության դեմ ոտնձգությունները, որոնք զուգորդվում են ռազմատենչ հռետորաբանությամբ, Ադրբեջանի քաղաքականության շարունակությունն են»,- գրել է Փաշինյանը։
