ՀՀ կենտրոնական բանկը չի հաշվարկել, թե տնտեսական ինչ ազդեցություն կունենա Հայաստանի վրա տարածաշրջանային կոմունիկացիաների ապաշրջափակումը՝ Երասխ-Նախիջևան-Մեղրի-Հորադիզ երկաթուղու գործարկումը կամ հայ-թուրքական սահմանի բացումը։ Այս մասին, այսօր՝ փետրվարի 1-ին, մամուլի ասուլիսում հայտարարեց ԿԲ նախագահ Մարտին Գալստյանը:
«Մեզ մոտ թվեր չկան, որովհետև մեզ մոտ առկա չեն այն փաստաթղթերը, որոնց հիման վրա կարելի է իրականացնել այդ հաշվարկները։ Հաշվարկը հնարավոր է իրականացնել, եթե հասկանում ես պրոյեկտի տրամաբանությունը, ծախսատարությունը և այլ կոմպոնենտներ»,- ասաց նա:
Նա հավելեց՝ եթե իրենց օժանդակության կարիքը լինի, պատրաստ են ներգրավվել. «Սակայն այս պահի դրությամբ մենք ներգրավված չենք այդ պրոցեսների մեջ՝ հաշվարկների առումով»,- ասաց ԿԲ նախագահը։
News.am
