Այն լուրերը, թե ընդդիմությունը սեպտեմբերին խորհրդարան է վերադառնալու եւ աշխատելու է իշխանությունների հետ, կեղծ են՝ Ֆրանսիայի հրապարակում հայտարարեց «Դիմադրություն» շարժման առաջնորդներից Իշխան Սաղաթելյանը:
«ՄԵկ անգամ եւս՝ հատուկ չհասկացողների համար ՝ եթե ընդդիմությունը գնա խորհրդարան, գնալու է բացառապես այն օրակարգով, որը ձեւավորել է ժողովուրդն այս հրապարակում,- ասաց Սաղաթելյանը,- այդ օրակարգը հստակ է ՝ Նիկոլի հեռացում, Հայաստանին եւ Արցախին ուղղված սպառնալիքների դեմ պայքար: ԱԺ-ում մեծամասնություն կազմող խմբակը, մանդատներից զրկելու շանտաժով, չի կարող մեզ ներքաշել իր հայրենադավ եւ ապազգային դավադրության մեջ: ՔՊ-ական ուսապարկերը իրենց ծոծրակները կտեսնեն, բայց մեզ իրենց կեղծ օրակարգի շուրջ միեւնույն նիստերի դահլիճում չեն տեսնի»: ԱԺ «Հայաստան» խմբակցության պատգամավորը կարծում է, որ հայ ժողովուրդը, միասնական կամարտահայտման այլ հարթակ, քան այս փողոցն ու հրապարակն են, չունի, որովհետեւ ինստիտուցիոնալ այլ հարթակները զավթված են թրքահպատակ դավաճանի կողմից: Հետեւաբար ՝ փողոցային պայքարն այս պահին այլընտրանք չունի:
