ՀՀ դատախազությունը քրեական հետապնդում է հարուցել Ամենայն Հայոց Կաթողիկոսի նկատմամբ՝ Մասյացոտնի նախկին և կարգալույծ արված առաջանորդ Արման Սարոյանի հետ կապված դատական ակտի կատարմանը խոչընդոտելու մեղադրանքով:
Արգելվել է Վեհափառ Հայրապետի ելքը Հայաստանից, ինչով փորձ է արվում ձախողել Ավստրիայում կայանալիք եպիսկոպոսաց ժողովը:
Սա պատմական ամոթալի գործողություն է իշխանության կողմից:
Գլխավոր դատախազությունը քրեական հետապնդում է հարուցել Ամենայն Հայոց Կաթողիկոսի դեմ. տեսաուղերձով հայտնել է Մայր Աթոռի ներկայացուցիչ, փաստաբան Արա Զոհրաբյանը։
Այսպիսով, կաթողիկոսին չի թույլատրվում Հայաստանից դուրս գալ և մասնակցել Ավստրիայում կայանալիք Եպիսկոպոսաց ժողովին։
Հիշեցնենք, որ 4 եպիսկոպոսներ կալանքի տակ են, ևս 4 հոգևորականի ելքը Հայաստանից արգելված է նույն՝ Արման Սարոյանի հետ կապված դատական ակտի կատարմանը խոչընդոտելու մեղադրանքով:
Հիշեցնենք, եր փետրվարի 13-ին Փաշինյանը հայտարարել է. «Հայաստանից դուրս եպիսկոպոսաց ժողով հրավիրելու և էս պրոցեսների խորքային նախաձեռնությունը ՀԱՍԵ կաթողիկոսությունը Հայաստանից դուրս հանելն է և որոշ ուժերի ձեռքում մարիոնետային կաթողիկուսության էդ հանգամանքը ուժեղացնելը և որպես Հայաստանի դեմ գործիք օգտագործելը»։
Նրա այս հայտարարությանը հաջորդել են Վեհափառի դեմ դատախազության գործողությունները։
