Տիգրան Ուլուբաբյանի գործով «օբյեկտիվ քննությունը» շարունակվում է. հայտնում է փաստաբան Ռոման Երիցյանը։
Նա պատմել է, որ քննիչը մերժել է կրկնակի փորձաքննություն իրականացնելու ու ոստիկաններին ճանաչման ներկայացնելու միջնորդությունը։
Մինչև հիմա չեն պարզվել Տիգրանին խոշտանգման ենթարկած, այդ թվում՝ նրա վրա թքած ոստիկանների ինքնությունը։
«Ավելին՝ իմ կողմից բացահայտված երկու ոստիկանների վերաբերյալ որևէ որոշում չի կայացվել և նրանց նկատմամբ քրեական հետապնդում չի իրականացվում։
Չարենցավանի ոստիկանությունում կատարված խոշտանգման մեկ այլ դեպքով էլ կարճվել է ոչ միայն քրեական վարույթը, այլև կարգապահականը՝ անձի կողմից իրեն մեղսագրվող արարքը կատարած չլինելու հիմքով»,- տեղեկացնում է փաստաբանը։
Հիշեցնենք, որ Վանաձորի ոստիկանությունում արցախցի Տիգրան Ուլուբաբյանին ստիպել են իր վրա վերցնել իր բարեկամի տանը կատարված գողությունը, նա հրաժարվել է, ինչից հետո 6 ոստիկան անընդհատ ծեծի ու բռնության են ենթարկել երիտասարդին՝ անգամ հայհոյելով արցախյան պատերազմներում զոհված նրա հարազատներին։
Կարդացեք նաև՝ Տիգրանը կարող է մատով ցույց տալ իրեն խոշտանգած ոստիականներին, բայց ՔԿ-ից հայտնել են, որ նրան լրացուցիչ կհարցաքննեն