Վրաստանի վարչապետ Իրակլի Կոբախիձեն լրագրողներին հայտարարել է, որ Եվրախորհրդարանի անդամները հարձակվում են երկրում ազատ լրատվամիջոցների վրա և շանտաժի են ենթարկում վրաց ժողովրդին՝ սպառնալով արգելել առանց վիզայի ճանապարհորդությունը։
Հայտարարության առիթ է հանդիսացել Եվրախորհրդարանի կողմից Վրաստանի վերաբերյալ հաստատված զեկույցը, որը կոչ է անում պատժամիջոցներ կիրառել «Իմեդի», «Ռուսթավի 2» և «ՊոսՏՎ» հեռուստաալիքների նկատմամբ և քննարկել անվիզա ռեժիմի կասեցման հարցը: Զեկույցի հիման վրա Եվրախորհրդարանը նախատեսում է Վրաստանի վերաբերյալ բանաձև ընդունել:
Կոբախիձեի խոսքով՝ «եվրոպացի բյուրոկրատները իսկապես ցանկանում են քաոս և անկարգություններ Վրաստանում» և դրան հասնելու համար օգտագործում են տարբեր գործիքներ, այդ թվում՝ «մեր երկրի՝ Եվրամիությանը անդամակցելու վերաբերյալ շանտաժ»։
