Սիրիայում թրքամետ ու թրքաստեղծ ուժերը սկսել են ալավիների ու քրիստոնյաների ջարդերը։ Ամերիկայի և Եվրոպայի բարեկամները՝ Թահրիր աշ-Շամի ահաբեկիչները, նոր դրամաշնորհներ են ստացել Եվրոպական միությունից և Պետդեպարտամենտի կողմից՝ ժողովրդավարությունը խթանելու և կոռուպցիայի դեմ պայքարելու համար։
Սիրիական Լաթաքիայում սպանդի ժամանակ երկու հայ է զոհվել հայտնում է տեղական հայկական «Գանձասար» թերթը։
Սպանվել են հայր և որդի՝ Անտուան և Ֆաթի Պուտրոսները։
Բնիկներին սպանելով, ստորացնելով, կտտանքների ենթարկելով են ահաբեկիչները «պայքարում կոռուպցիայի դեմ ու խթանում ժողովրդավարությունը»։
Լաթաքիայում ալավիների ու քրիստոնյաների կոտորածի տեսանյութերը հենց մարդասպաններն են նկարահանում ու տարածում՝ քաջ իմանալով, որ Արևմուտքը ձայն չի հանելու, նրանց ոճրագործությունը չի կանխելու։
Սպանված սիրիացիների դիերը սփռված են ամենուր։
Չկան գերեզմանոցներ, որտեղ այդքան դիակ տեղավորվի։ Կտրում են բոլորի գլուխները՝ երեխաներից մինչև ծերեր։ Սիրիան բառացիորեն ողողված է ալավիների արյամբև նրանց մայրերի ու կանանց արցունքներով. պատմել է լրագրող Աբբաս Ջումա։
Ըստ տելեգրամյան ալիքների տեղեկությունների՝ կոտորածների զոհ է դարձել հազար ալավի։
Մարդասպաններն անխնա մորթում են տեղաբնակներին։
Այս աղջիկը քրդուհի է, Բժշկական համալսարանի ուսանողուհի։ Նրան ևս սպանել են։
Սիրիայում տեղի է ունենում ԱԼԱՎԻՆԵՐԻ ՑԵՂԱՍՊԱՆՈՒԹՅՈՒՆ՝ հենց միայն նրա համար, որ մարդը ալավի է, նրան սպանում են: Շատ են նաև ստորացնող, մարդկային արժանապատվությունը նսեմացնող տեսարանները: Էրդողանի բաշիբոզուկները «փայլում» են իրենց ողջ «հմայքով»:
Ջեյք Սալիվան՝ նախագահ Բայդենի ազգային անվտանգության հարցերով խորհրդականն է դեռ հայտարարել. Սիրիայում Ալ-Քաիդան մեր դաշնակիցն է»։
Ֆրանսիայի արտաքին գործերի նախարարությունը «խոր մտահոգություն» է հայտնել Սիրիայում կոտորածների առնչությամբ… և «խստորեն դատապարտել» սպանությունները։
