Թուրքիայի միակ հայկական գյուղում՝ Վաքըֆլիում, փետրվարի 6-ի երկրաշարժից 40 տներից 30-ը լրջորեն վնասվել է. հայտնում է Reuters-ը։
Երրորդ ուժեղ երկրաշարժից հետո 130 գյուղացի մնացել է առանց էլեկտրականության։ Նրանք հավաքվում են թեյարանում՝ ապաստանելու և տաքանալու համար։ Երկրաշարժերից տուժել է նաև Սուրբ Մարիամ Աստվածածին հայկական եկեղեցին։
«Վաքըֆլին մեր ունեցած միակ հայկական գյուղն է Թուրքիայում։ Սա մեր տունն է»,- ասում է գյուղացիներից մեկը՝ 67-ամյա Մասիսը։ Նա չգիտի, թե որքան ժամանակ կպահանջվի գյուղի վերականգնման համար, և մտավախություն ունի, որ գյուղի բնակիչների մեծ մասը կլքի գյուղը։
Վաքըֆլի գյուղը գտնվում է Հաթայ նահանգում՝ Մուսա լեռան լանջին։
