«Ադրբեջանցի զինվորները Նախիջևանից փախել են, որ մարդ չսպանեն. սա իմ ենթադրությունն է»,- ասել է քպ-ական պատգամավոր, պաշտպանության և անվտանգության հանձնաժողովի նախագահ Անդրանիկ Քոչարյանը.
ԱԺ փոխխոսնակ, Թուրքիայում Հայաստանի բանագնաց Ռուբեն Ռուբինյանն իր հերթին կարծում է, որ դիվերսանտները հանցավոր ոչինչ չեն արել, և նրանք պետք է ազատ արձակվեն։
ՔՊ-ականներն ընդգծված բարեգութ ու հանդուրժողական դիրքորոշում ունեն ադրբեջանցի ահաբեկիչ-դիվերսանտների նկատմամբ։ Հիշեցնենք, որ ադրբեջանական բանակի երկրորդ զինծառայող Հուսեյն Ախլիման օղլու Ախունդովի գրպանում հայտնաբերվել է Զանգեզուրի պղնձամոլիբդենային կոմբինատի աշխատակից Հայրապետ Մելիքսեթյանի հեռախոսը։ Մելիքսեթյանին սպանված են գտել ապրիլի 12-ին։
Համացանցում տարածված տեսանյութում նա դիմում է իր հետևորդներին՝ ասելով․ «Հայերի արյուն ենք թափել։ 4-5 հարյուր հայի գլուխ ենք կտրել։ Հիմա էլ ողջ ենք, չենք զոհվել։ Եթե զոհվենք էլ, թող մեր արածը գնահատվի։ Մենք հայրենիքի դավաճաններ չենք»։
Ոչ ոք չի կասկածում, թե Բաքի բանտերում պահվող հայ գերիների նկատմամբ ադրբեջանցիներն ինչ դժոխային կտտանքներ են կիրառում։ Օրինակները նրանք անձամբ են նկարահանել ու տարածալ համացանցում՝ կտրտված մարմիններ, խոզի որովայնի մեջ դրված գլուխներ ու անգամ ադրբեջանական մանկապարտեզներից հնչող սպառնալիքներ՝ ուղղված մեծ ու փոքր բոլոր հայերին։
