Ռուսաստանը հաստատում է իր պատրաստակամությունը՝ Սերգեյ Լավրովի հովանու ներքո բանակցություններ կազմակերպելու Հայաստանի և Ադրբեջանի արտգործնախարարների միջև.
Անհրաժեշտ է որքան հնարավոր է շուտ վերսկսել բանակցությունները բոլոր ուղղություններով։ Մոսկվան Երևանին և Բաքվին տեղեկացրել է հանդիպում կազմակերպելու պատրաստակամության մասին. ճեպազրույցում ասել է ՌԴ ԱԳՆ պաշտոնական ներկայացուցիչ Մարիա Զախարովան։
Լաչինի միջանցքում տիրող իրավիճակի վերաբերյալ Զախարովան նշել է, որ ՌԴ պաշտպանության նախարարությունը, խաղաղապահները և ԱԳՆ-ն մշտական կապի մեջ են կողմերի հետ և եռանդուն ջանքեր են գործադրում իրավիճակը կարգավորելու համար։
«Ի տարբերություն մյուս խաղացողների՝ ռուսական կողմը լուծումներ է փնտրում անմիջապես «տեղում» և ցուցաբերում է մարդասիրական օգնություն։
Երբ ռազմաքաղաքական դաշինքները գործի են անցնում քաղաքական ինստիտուտների քողի տակ, խնդիրները բարդանում են»,- Հայաստանում ԵՄ առաքելության մասին ասել է Զախարովան։
Նա նաև հավելել է, որ ԵՄ անվանումը միայն քողարկող ծածկ է աշխարհաքաղաքական գործընթացներում ՆԱՏՕ-ի իրական դերակատարման համար։
