Այսօր Սյունիքի մարզի Կապան-Ճակատեն ճանապարհահատվածում միջադեպ է տեղի ունեցել հայերի և ադրբեջանցիների միջև։ Տեղեկությունը Sputnik Արմենիային հայտնել է Կապան խոշորացված համայնքի ղեկավար Գևորգ Փարսյանը։
Նրա խոսքով` ամեն ինչ սկսվել է «Բարի գալուստ Ադրբեջան» ցուցանակի վրա կրակելուց:
«Ադրբեջանցիներն էլ օգտագործելով առիթը` սադրանքի են դիմել ու փորձել դիրքային փոփոխություն կատարել»,–ասաց նա։
Ռուս սահմանապահները կարողացել են հարթել կոնֆլիկտը և բացառել ադրբեջանցիների նոր դիրքային փոփոխությունները։
Նշենք, որ սոցցանցերում կայծակնային արագությամբ լուր տարածվեց, թե ադրբեջանցիները փորձել են БТР–ներով առաջ տալ իրենց դիրքերը։
Նկարում երևում է թե ինչպես են ռուսները ԲՏՌ-ով փակում ադրբեջանցիների ճանապարհը։
Շատ օգտատերերը ՀՀ ՊՆ անգործությունը գնահատում են որպես այդ կառույցի մահը, “միակ հույսներս ռուսներն են”։
