Գագիկ Ծառուկյանին առաջադրված` հարկերի հետ կապված մեղադրանքը, ապօրինի լինելու հիմքով, դատախազը դադարեցրել է, այսօր լրագրողների հետ զրույցում ասաց Գագիկ Ծառուկյանի պաշտպան Երեմ Սարգսյանը։
Անդրադառնալով մյուս մեղադրանքին՝ առանձնապես խոշոր չափերով խարդախությունը, առանձնապես խոշոր չափերով փողերի լվացումը կազմակերպելը, փաստաբանը նշեց.
«Մենք բազմաթիվ փաստաթղթեր ենք իրենց ներկայացրել, լրացուցիչ փաստաթղթեր ևս պատրաստում ենք ներկայացնել։ Բայց եթե իրենք օբյեկտիվ քննություն են ուզում իրականացնել, բոլորն անմիջապես պետք է ներբեռնեին, զննեին ու դիտարկեին որպես ապացույց։ Բայց մենք տեսնում ենք, որ դժվար թե այդքան ակտիվ աշխատեն այդ ուղղությամբ, որովհետև մեր ներկայացրած փաստաթղթերն իրենք փորձում են չտեսնելու տալ»։
Այն ակնհայտ փաստերը, որտեղ երում է, որ Գագիկ Ծառուկյանն ու հայկական կողմն են տուժող հանդիսանում, այսինքն՝ գումար ներդրողներն իրենք են, իրենք այդ ամենը հերքում են, և միայն նրանց բանավոր ասածը, որ մենք ենք գումարով ապրանք առել, ուղարկել ու դա հափշակվել է, բայց հափշտակության փաստն էլ չի հիմնավորվում, դա իրենց համար վերջին աստիճանի ճշմարտություն է դիտարկվում։
Կոնկրետ ապացուցողական փաստերին, պարտավորագրերին, երաշխավորագրերին, ցուցմունքներին մատերի արանքով են նայում, քանի որ դա իրենց այս պահին հետաքրքիր չէ»,- ասաց փաստաբանը։
