Խաչքարերը միջոց են, արդյունք և ոչ պատճառ. գիտնականի խոսքը

Դառնացած եմ խաչքարի մասին վարչապետի հուզախառն դատողություններից:

Նախ՝ խաչքարներ չեն, այլ խաչքարեր:

Խաչքարերը իշխանության, քաղաքական կուսակցությունների, ընդդիմության, նույնիսկ Հայ առաքելական եկեղեցու նախաձեռնությունը չեն: Խաչքարային մշակույթի նոր ալիքը՝ սկսած անցած դարի 60-ական թվականներից՝ ծագել, զարգացել և մնում է զուտ ժողովրդական նախաձեռնություն: Իհարկե, կարելի է քննել, խոսել դրա լավ ու վատ դրսևորումների մասին:

Բայց այն միանշանակ հանրույթի մի զգալի մասի դարերով փորձված արձագանքն է իրավիճակին, նրա հույսի դրսևորումն է, երբ իրականությունն ու քաղաքականությունը որևէ հույս չեն տալիս: Նախ այս մասին պիտի մտածել, բարձրաձայնել, հասկանալ: Խաչքարերը միջոց են, արդյունք և ոչ պատճառ:

Հնագետ, պատմական գիտությունների դոկտոր, պրոֆեսոր Համլետ Պետրոսյան