Լուվրի թանգարանը կփակվի Ֆրանսիայում կենսաթոշակային բարեփոխումների դեմ բողոքի ակցիաների պատճառով։
Նշվում է, որ ցույցերին մասնակցում են մշակույթի որոշ աշխատողներ և Լուվրի աշխատակիցներ. hաղորդում է ՏԱՍՍ-ը։
Մարտի 16-ին Ֆրանսիայի իշխանությունները օրենք են ընդունել, որով կենսաթոշակային տարիքը 62-ից բարձրացվել է 64-ի: Կենսաթոշակային տարիքի աստիճանական բարձրացումը կսկսվի 2023 թվականի սեպտեմբերից։ Մինչեւ 2030 թվականը կհասնի 64 տարեկանի։
Կենսաթոշակային բարեփոխումների նախագիծը Ֆրանսիայի նախագահ Էմանուել Մակրոնն առաջարկել էր անցյալ տարվա հոկտեմբերին։
Սկզբում նա նախատեսում էր մինչև 2031 թվականը կենսաթոշակային տարիքի աստիճանական բարձրացում 62-ից մինչև 65 տարեկան։
Ֆրանսիայի բնակիչները չեն գնահատել նման փոփոխությունները. երկրում սկսվել են լայնածավալ բողոքի ցույցեր։ Դրանցից մեկի ժամանակ ոստիկանությունը բերման է ենթարկել ավելի քան 120 ցուցարարի։
