Իրանի արտգործնախարար Աբբաս Արաղչին իր ինստագրամյան էջում գրառում է արել՝ նշելով, որ թեև Իրանն աջակցում է հարևան երկրների միջև խաղաղությանը և կայունությանը, միևնույն ժամանակ նաև հատուկ ուշադրություն է դարձնում տարածաշրջանային աշխարհաքաղաքական կայունության և իր ազգային շահերի պահպանմանը: Այս մասին տեղեկացնում է Mehr -ը։
«Չորեքշաբթի ես ընդունեցի Հայաստանի փոխարտգործնախարարին և Ռուսաստանի ԱԳՆ Կովկասի հարցերով հատուկ ներկայացուցչին: Մենք քննարկեցինք միջազգային հարցեր՝ հատուկ ուշադրություն դարձնելով Կովկասի տարածաշրջանի քաղաքական զարգացումներին»,-նշել է Արաղչին:
Նա հավելել է, որ Իրանը շարունակում է առանձնապես զգայուն մնալ ցանկացած ծրագրի կամ նախագծի նկատմամբ, որը կարող է սահմանափակել իր տրանսպորտային հասանելիությունը կամ երկրի շահերը։
