Իսլամական հեղափոխության պահապանների կորպուսը (ԻՀՊԿ) հայտարարել է, որ հրթիռային հարվածներ է հասցրել տարածաշրջանում գտնվող ամերիկյան բազաներին։
Իսլամական հեղափոխության պահապանների կորպուսը հայտարարել է, որ Սիրիկ և Քեշմ կղզու վրա հարձակումից հետո տարածաշրջանում գտնվող ԱՄՆ բանակի բազաները ենթարկվել են ԻՀՊԿ-ի ավիատիեզերական ուժերի հրթիռային հարձակմանը։
ԻՀՊԿ-ն հայտարարության մեջ նշել է, որ այսօր վաղ առավոտյան երկու ամերիկյան տանկեր փորձել են անօրինական կերպով անցնել Հորմուզի նեղուցով։ Նախազգուշացում ստանալուց հետո դրանցից մեկը հարվածվել է և կանգնեցվել, մինչդեռ մյուս խախտող նավերը վերադարձել են։
Նշվել է նաև, որ դրանից հետո ամերիկյան անօդաչու թռչող սարքերը երկու հրթիռով հարվածել են Քեշմ կղզու կապի աշտարակին և Սիրիկում գտնվող աշտարակներից մեկին։
ԻՀՊԿ-ն հայտարարել է, որ ի պատասխան ԱՄՆ այս գործողությունների, բալիստիկ հրթիռներով հարձակվել են Քուվեյթում գտնվող երկու ամերիկյան ավիաբազաների, Ալի ալ-Սալեմի ավիաբազայի, ինչպես նաև Բահրեյնում գտնվող ԱՄՆ ռազմածովային ուժերի հինգերորդ նավատորմի կարևոր օբյեկտների վրա։
