Թուրքիայի նախագահ Ռեջեփ Թայիփ Էրդողանի՝ Իսրայել ներխուժելու վերջին սպառնալիքին չպետք է անլուրջ վերաբերվել և դա, ըստ կիպրացի պաշտոնյայի, վկայում է Անկարայի մշտատև տարածաշրջանային հավակնությունների մասին։
«Ցանկացած հանրային սպառնալիք պետք է բավական լուրջ ընդունվի, և կարծում ենք, որ միջազգային հանրությունը չպետք է անտեսի կամ չլսելու տա այդ սպառնալիքները», – Fox News Digital-ի հետ զրույցում հայտարարել է Կիպրոսի կառավարության խոսնակ Կոնստանտինոս Լետիմբիոտիսը:
«Պատմությունն ինքն է ապացուցել է, որ միջազգային իրավունքի նկատմամբ հարգանքը հիմնարար է, և անկասկած, որ բոլորս պետք է ամուր հավատարիմ մնանք դրան», – նշել է Լետիմբիոտիսը: «Ցավոք, մենք որպես երկիր վերջին 50 տարիների ընթացքում մշտապես Թուրքիայի կողմից Կիպրոսի Հանրապետության տարածքի 37 տոկոսի ապօրինի բռնազավթման ուժգնացում ենք զգում»:
«Մենք հիանալի գիտենք անօրինական ներխուժման հետևանքների մասին և բոլոր սպառնալիքներին բավական լուրջ ենք վերաբերվում», – հավելել է Լետիմբիոտիսը:
Թուրքիայի նախագահ Ռեջեփ Թայիփ Էրդողանը հուլիսի վերջին սպառնացել էր ներխուժել Իսրայել։
«Ինչպես մտանք Ղարաբաղ և Լիբիա, նույնը կանենք Իսրայելի հետ», -հայտարել էր Էրդողանը կուսակցության հանդիպման ժամանակ՝ նկատի ունենալով Լեռնային Ղարաբաղի և Լիբիայի շուրջ հակամարտությունը, որտեղ ներկա են թուրքական զորքերը։
