Իսրայելի արտաքին գործերի նախարար Իսրայել Կացը՝ Գոլանի բարձունքների վրա գտնվող Մաջդալ Շամս գյուղի գնդակոծությունից հետո։
Նրա գնահատմամբ՝ գնդակոծությունը, որի հետևանքով զոհվել է առնվազն 10 խաղաղ բնակիչ, այդ թվում՝ երեխաներ, հատում է բոլոր կարմիր գծերը. հայտնում է ՏԱՍՍ-ը։
«Մաջդալ Շամսի գնդակոծությունը և խաղաղ բնակիչներին ու երեխաներին հասցված վնասը հատում է բոլոր կարմիր գծերը, մենք մոտենում ենք «Հեզբոլլահի» և Լիբանանի հետ լայնածավալ պատերազմի ՛եմին», – ասել է նա իսրայելական հեռուստատեսության 12-րդ ալիքի եթերում:
«Մենք մեծ գին կվճարենք ճակատում և թիկունքում, բայց պատերազմի արդյունքում Հեզբոլլահի առաջնորդ Հասան Նասրուլլահը և Հեզբոլլահը կպարտվեն, իսկ Լիբանանը լուրջ վնասներ կկրի»,- վստահ է Կացը:
Նախարարը հավելել է, որ ինքը դիվանագետներին հանձնարարել է պատրաստվել համապարփակ գործողության ամբողջ աշխարհում՝ Լիբանանում սպասվող գործողությունների միջազգային օրինականությունն ապահովելու համար։ Նա վստահություն է հայտնել, որ Իսրայելը Լիբանանի հարցում կունենա ԱՄՆ-ի և Եվրոպայի«լիարժեք աջակցությունը։
Ավելի վաղ բանակի մամուլի ծառայությունը հայտնել էր լիբանանյան տարածքից երկրի հյուսիսը զանգվածային գնդակոծման ենթարկելու մասին, այդ թվում՝ Իսրայելի կողմից վերահսկվող Գոլանի բարձունքների ուղղությամբ։ Առնվազն մեկ հրթիռ ընկել է Գոլանի Մաջդալ Շամս գյուղի դրուզական գյուղի ֆուտբոլային դաշտի վրա։ Վերջին տվյալներով՝ զոհվել է 10 մարդ, այդ թվում՝ դեռահասներ ու երեխաներ, 19 վիրավոր կա։
Իսրայելական բանակի հայտարարությունների համաձայն՝ հրթիռն արձակվել է շիա «Հեզբոլլահի» զինյալների կողմից։
