Իմ կենսաբանական կոդի էական մասը հայկական է։ Այս մասին լրագրողների հետ զրույցում ասել է աշխարհահռչակ ռեժիսոր և երաժիշտ Էմիր Կուստուրիցան։
Նա նշել է, որ այլևս չի նվագում և չունի խումբ, սակայն կցանկանար այցելել Հայաստան։
«Եվրոպան Դուք եք։ Դա չի նշանակում՝ ճանապարհ դեպի Բրյուսել։ Եվրոպական ճանապարհը ՀՀ ճանապարհն է։ Եթե Դուք շարժվեք ձեր սեփական ճանապարհով, ապա կլինեք ճիշտ ճանապարհի վրա»,- ասել է նա՝ անդրադառնալով Հայաստանի աշխարհաքաղաքական կողմնորոշման և Սերբիայի հետ նմանություններ ունենալու մասին հարցին։
