ԱՄՆ-ի իշխանական շրջանակներում տարակածություններ կան: Դոնալդ Թրամփն անտեսում է երկրի գլխավոր համաճարակաբանի զգուշացումները, իսկ նա ահազանգում է, որ ԱՄՆ-ում համաճարակաբանական իրավիճակը լավ չէ: Նա նշել է, որ երկիրը խրված է կորոնավիրուսի առաջին ալիքի մեջ, բայց երբեք լուրջ չի վերաբերվել համավարակին: Գլխավոր համաճարակաբանը դժգոհել է, որ շատերն անտեսում են հակահամաճարակային կանոնները: Իսկ Թրամփը հակադարձել է Էնթոնի Ֆաուչիին, թե՝ իրավիճակը բավականին լավ է: «Բժիշկ Ֆաուչին սկզբում ասում էր՝ դիմակ մի դրեք, հիմա ասում է՝ դրեք, նաև ասում էր՝ մի փակեք Չինաստանի հետ սահմանները, իսկ ես արեցի այն, ինչ ճիշտ համարեցի, չլսեցի իմ փորձագետներին»:
Նշենք, որ հուլիսի 8-ն ԱՄՆ-ում կորոնավիրուսի 61 000-ից ավելի նոր դեպք է արձանագրվել, որը ռեկորդային է: Համավարակի հայտնաբերումից ի վեր՝ այդ երկրում նման ցուցանիշ չէր գրանցվել: Այս պատկերն իշխանությունները կապում են զանգվածային թեստավորումների հետ:
ԱՄՆ-ում դպրոցները բաց են. երկրի իշխանությունները մտադիր են սահմանափակումները մեղմացնել:
