Թրամփը մեկնաբանել է իր մասնակցությունը 2024թ․ ընտրություններին
Սեպտեմբերի 11-ի ահաբեկչության տարելիցին ԱՄՆ նախկին նախագահ Դոնալդ Թրամփն այցելել է Նյու Յորքի ոստիկանություն և հրշեջներին, որտեղ նրան հարցրել են քաղաքական ապագայի մասին:
«Օ, դա բարդ հարց է: Թեև իրականում դա ինձ համար պարզ է: Ես գիտեմ, թե ինչ եմ անելու, բայց դեռ չեմ կարող դրա մասին խոսել քարոզարշավի ֆինանսավորման օրենքների պատճառով … Բայց ես կարծում եմ, որ դուք գոհ կմնաք, եկեք այդպես ձևակերպենք», – պատասխանել է Թրամփը:
Լրագրողները ոստիկանների հետ նրա շփման տեսագրության մի հատված տեղադրել են Twitter-ում, հայտնում է ՌԻԱ գործակալությունը:
