Ըստ «ընդդիմության հեղաշրջման պլանի»՝ ԱԱԾ-ն խուզարկություններ է սկսել. խուզարկվում է Բագրատ Սրբազանի տունը

Երեկ իշխանական լրատվամիջոց civic.am-ի հրապարակած «ընդդիմության հեղաշրջման պլանն» այսօր վաղ առավոտյան արդեն իր «պտուղները տվել է»։

Այսօր վաղ առավոտից իրավապահները խուզարկություններ են սկսվել Սրբազան Պայքարի աջակիցների տներում։

Այս պահին ԱԱԾ-ն գործողություն է իրականացնում նաև Բագրատ արքեպիսկոպոս Գալստանյանի բնակավայրում։

Լուրեր կան, որ խուզարկություն է սկսվել նաև 44-օրյա պատերազմում զոհված Հակոբ Ռոստոմյանի հոր՝ «Որդիների կանչ» հկ անդամ Արա Ռոստոմյանի բնակարանում։

Հիշեցնենք, որ Աննա Հակոբյանը ֆեյսբուքյան էջում հրապարակել էր իշխանական civic.am-ի «ընդդիմության հեղաշրջման պլանը»։ «Պլանի» տակ գրված է. «Ընդդիմության ներսում մեր վստահելի աղբյուրները մեզ են փոխանցել ընդդիմության հեղաշրջման պլանը, որը իրենից ներկայացնում է գործողությունների փուլային ծրագիր, ռեսուրսների և գործող անձանց հաշվագրում»։ 

Փաշինյանի զուգընկերուհին սարկազմով այսպիսի տողեր է գրել Լևոն Տեր-Պետրոսյանի մասին. «Բայց մի տեսակ նեղված եմ։ Չեմ հասկանում, բա էն «ազգակործան պատուհաս»-ը, յուր աղանդավորականներով հանդերձ, ինչո՞ւ հիշատակված չէ պետական հեղաշրջման պլանում։

Մեր դպրոցի վատ աշակերտները դրա նմաններին ասում էին՝ մեռելի զդաչի

Այլ խոսքով՝ ազգադավ վիժվածք! Բոլոր ազգադավ վիժվածքների հոգեւոր առաջնորդ! Ընդ որում՝ ինքնակոչ

Թե բա՝ «ազգակործան պատուհաս»։

Գիտնական ոջիլ!»