Անադոլու գործակալությունը գրում է . Թուրքիայի նախագահ Ռեջեփ Թայիփ Էրդողանը կոչ է արել Հայաստանին որքան հնարավոր է շուտ խաղաղության պայմանագիր կնքել Ադրբեջանի հետ։
«Արևմտյան որոշ գերտերություններ մինչ այս պահը չեն գիտակցում, որ ԼՂ պատերազմից սկսած` մեր տարածաշրջանում նոր դարաշրջան է բացվում: Հայ ժողովրդի ու նրա ղեկավարների համար լավ կլիներ անվտանգություն փնտրել ոչ թե հազարավոր կիլոմետրեր հեռու, այլ հարևանների հետ խաղաղության ու համագործակցության մեջ»,- ասել է նա։
«Եվս մեկ անգամ ես կոչ եմ անում Հայաստանին բռնել մեր ադրբեջանցի եղբայրների կողմից իրենց մեկնած բարեկամության ձեռքը» -ասել է Էրդողանը:
«Արևմտյան երկրների կողմից ուղարկված ոչ մի զենք և զինամթերք չի կարող ապահովել կայուն խաղաղության և անվտանգության միջավայր»,-ասել է Էրդողանը` չնշելով պետությունների անունները։
