Գործընթացը բացարձակապես կանգնած չէ, վերջին երեք տարվա ընթացքում ահռելի ծավալի ավտոբուսներ և տրոլեյբուսներ ենք ներմուծել, ու ասեմ ավելին՝ այսօր՝ Երևանի ավագանու նիստում քննարկվում է ևս 45 տրոլեյբուսների ֆինանսավորումը հարցը բյուջեում նախատեսելու հարցը։ Այս մասին այսօր լրագրողների հետ ճեպազրույցի ժամանակ հայտարարեց Երևանի քաղաքապետ Տիգրան Ավինյանը։
Նա միաժամանակ հավելեց, որ այդ ֆինանսավորումը տրված է կառավարության կողմից՝ անձամբ վարչապետի հանձնարարականով։
«Վերջերս իրականացված հետազոտությունների արդյունքում մենք արձանագրել ենք, որ Երևան քաղաքը փաստացի պետական բյուջեի ֆինանսավորման տեսանկյունից ամենաթերֆինանսավորվողն է։ Երևանն իր սեփական եկամուտները վերջին երեք տարիների ընթացքում փաստացի եռապատկել է, իսկ շարունակաբար կառավարության կողմից պլանավորված տրվող ֆինանսավորումը նվազել է։ Նմանատիպ որոշումներով կարծում եմ նաև որոշակի բալանսավորում է իրականացվում, մինչև որ ինստիտուցիոնալ ավարտական լուծումներն ունենալը»,–նշեց Ավինյանը։
