Մեծ մարտահրավերներ ունենք դատական համարագի անկախ լինելու առումով, էական եմ համարում ժողովրդավարական քաղաքական համակարգի ձևավորումը. Ժողովրդավարության հայկական ֆորումին ժողովրդավարության կայացմանը խոչընդոտող խնդիրների մասին ասաց վարչապետ Փաշինյանը։
Նա մեջբերեց միջազգային հարթակներից Հայաստանի հասցեին հնչող մեղադրանքը. «Հայաստանին քննադատում են, որ մոնոէթնիկ երկիր է՝ չնայած դժվար է հասկանալ, թե դա ինչ մեղադրանք է։ Մեր խորհրդարանում ազգային փոքրամասնությունները ներկայացված են։ Հայաստանում կան ոչ միայն քրիստոնեական տաճարներ, այլև մուսուլմանական մզկիթներ, եզդիական հավատքի տաճարներ։ Հայաստանում կան և՛ հայ կաթոլիկ, և՛ ավետարանական, և՛ առաքելական համայքններ։ Եվ ոչ ոք չի կարող ասել, թե իր կրոնական ազատությունը ոտնահարվում է»։
Անդրադառնալով հարցին, թե իշխանությունները յուրայիններին են նշանակում կարևոր պաշտոններում՝ Փաշինյանը չհամաձայնեց հնչած տեսակետի հետ։
«Երբ ասվում է, որ յուրայիններին անկախ պաշտոնների եք նշանակել, ո՞ւմ նկատի ունեք։ Կենտրոնական ընտրական հանձնաժողովի նախագահին նկատի ունե՞ք։ Ուզում եմ արձանագրել, որ ԿԸՀ յուրային անդամի նախագահության պայմաններում տեղի ունեցած տիմ ընտրությունների վերաբերյալ ոչ մի բողոք չի ստացվել։ Վատ է՞։ Յուրայինին չենք տարել նշանակել այնտեղ, որ ընտրությունները կեղծի։ Յուրայինին նշանակել ենք, որ ընտրությունների արդարությունն ապահովի, և գործնականում ապացուցել է՝ ոչ մի դիմում-բողոք»,-հակադարձեց Փաշինյանը։
