Եվրոպան չի ֆինանսական աջակցություն չի տրամադրի Սիրիայում իսլամիստական նոր կառույցների ստեղծմանը. Բերբոք
Գերմանիայի արտաքին գործերի նախարար Անալենա Բերբոքը հայտարարել է, որ Եվրոպան պատրաստ է օգնություն ցուցաբերել Սիրիային, սակայն ֆինանսական աջակցություն չի տրամադրի այնտեղ իսլամիստական կառույցների ստեղծմանը։ Նա այս հայտարարությունն արել է Դամասկոս կատարած այցի ժամանակ։
«Եվրոպան աջակցություն կտրամադրի, բայց Եվրոպան չի հովանավորի նոր իսլամիստական կառույցները»,- ասել է նա։
Բերբոքը չհայտարարված այցով Սիրիա է ժամանել իր ֆրանսիացի գործընկեր Ժան-Նոել Բարոյի հետ։ Նրանք, մասնավորապես, հանդիպել են Դամասկոսում իշխանության եկած զինված խմբավորումների առաջնորդ Ահմեդ ալ-Շարաայի հետ։ Գերմանական լրատվամիջոցներն ուշադրություն են հրավիրել այն փաստի վրա, որ Սիրիայի նոր ղեկավարը հյուրերին ողջունելիս գերմանացի նախարարուհու ձեռքը չի սեղմել։
Բերբոքը և Բարրոն Եվրոպայի առաջին արտգործնախարարներն են, ովքեր այցելել են Սիրիա նախագահ Բաշար ալ-Ասադին գահընկեց անելուց հետո: Ուրբաթ Գերմանիայի կանցլեր Օլաֆ Շոլցն ասել է, որ Բեռլինը «ինտենսիվ կապեր» է պահպանում Դամասկոսի նոր իշխանությունների հետ և բանակցություններ է վարում ընդդիմադիր այլ խմբերի հետ։
