Եվրամիությունը ՌԴ Պետդումայի պատգամավորներին ուղղված պատժամիջոցներ է նախատեսել

Եվրահանձնաժողովը պատժամիջոցների նախագիծ է մշակել Պետդումայի մոտ 350 պատգամավորների նկատմամբ, ովքեր հավանություն են տվել ԴԺՀ-ի եւ ԼԺՀ-ի ճանաչմանը, գրում է Der Spiegel-ը՝ վկայակոչելով աղբյուրները։

ԵՄ-ում խորհրդարանականների գույքը կբռնագրավվի, իսկ հաշիվներում եղած գումարները կսառեցվեն։ Պատգամավորներին կարգելեն ԵՄ մուտքը։ Ակնկալվում է, որ ընդհանուր առմամբ պատժամիջոցների տակ կհայտնվեն Ռուսաստանի մի քանի հարյուր քաղաքացի եւ ընկերություններ։  

Նման միջոցների մշակման մասին ավելի վաղ հայտնել էր Reuters-ը։

Երկու լրատվամիջոցների տվյալներով՝ ԵՄ պատժամիջոցների շրջանակում կարող է արգելվել ռուսական պետական ​​պարտատոմսերի առեւտուրը, ինչպես նաեւ անջատողականների կողմից վերահսկվող տարածքներից ապրանքների ներմուծումն ու արտահանումը։ Այս տարածքները նույնպես չեն ներառվի ԵՄ-Ուկրաինա ազատ առեւտրի մասին համաձայնագրում։

News.am