Այն թվով 13-րդն է
Եվրամիությունը հաստատել է Ռուսաստանի դեմ պատժամիջոցների 13-րդ փաթեթը. տեղեկանում ենք Եվրամիության արտաքին քաղաքականության ծառայության հայտարարությունից։
Պատժամիջոցների նոր փաթեթում ներառված է 106 ֆիզիկական եւ 88 իրավաբանական անձ։ Ներմուծման եւ արտահանման սահմանափակումները տարածվում են նաեւ Ռուսաստանի հետ համագործակցող հնդկական, չինական, ղազախական, թայլանդական եւ թուրքական ընկերությունների վրա։
Ռուսական լրատվամիջոցները գրում են, որ արգելված ապրանքների ցուցակում են էլեկտրական սարքեր, այդ թվում՝ տրանսֆորմատորներ, որոնք կարող են օգտագործվել անօդաչու թռչող սարքերի արտադրության մեջ։
Նշենք, որ վերջին երկու տարում ՌԴ-ի դեմ եվրոպական պատժամիջոցները տարածվել են ավելի քան 2 հազար ֆիզիկական եւ իրավաբանական անձանց վրա։ Սառեցվել են ձեռնարկատերերի ակտիվները, նրանց առ այսօր արգելվում է նաեւ մուտք գործել Եվրամիության տարածք։
Ս.Վ.
