Եթե ՀՀ վարչապետը ինձ խնդրի, ես վայրկյան անգամ չեմ ընդդիմանա այդ խնդրանքին. Ալեն Սիմոնյան

Եթե ՀՀ վարչապետը ինձ խնդրի, ես վայրկյան անգամ չեմ ընդդիմանա այդ խնդրանքին, լրագրողների հետ զրույցում նշեց ԱԺ նախագահ Ալեն Սիմոնյանը՝ պատասխանելով այն հարցին, թե պատրա՞ստ է աներկբա կատարել sms-ով վարչապետից ստացած համապատասխան հորդորը։

«Նենց չի է, որ վարչապետը գիշերը որոշել է, որ սա, սա, սա պետք է տեղափոխվեն։ Մարդիկ, բոլորը-բոլորը ունենում են խնդիրներ, ստեղծում են խնդիրներ և սխալներ են անում: Անձնական սխալների մասին չէ խոսքը, կամ անձի, այլ համակարգի, արդարադատության, այն իրավիճակի, որի մասին նաև մեր ընդդիմադիր գործընկերներն են բարձրաձայնում:  Այդ արձանագրումներից հետո երկրի ղեկավարը պարտավոր է հետևություններ անել, որովհետև իր վրա է ամբողջ պատասխանատվությունը»,-ասաց Ալեն Սիմոնյանը:

ԱԺ նախագահն անդրադարձավ նաև օրեր առաջ մի շարք պաշտոնյաների ազատումներին՝ շեշտելով, որ պատճառը եղել են գերատեսչությունների առջև դրված, սակայն չլուծված խնդիրները։

«Եվ դրա մասին վարչապետն ասաց նաև կառավարության նիստի ժամանակ»,- ասաց Ալեն Սիմոնյանը։