Արա Նախշքարյանի ԴԲ էջից, –
Եզդի ժողովրդի որդի Ուսուբ Բեկ Թեմուրյան – Հայաստանի քաղաքական, հասարակական, ռազմական և ազգային -ազատագրական առաջնորդ։
Ծնվել ու ապրել է Արարատ լեռան հովիտներում, հայկական միջավայրում: Սովորել է Գևորգյան ճեմարանում, երիտասարդ վարդապետ Կոմիտասի հետ միասին:
Հետագայում Ուսուբ Բեկը դառնում է Կոմիտասի մտերիմ ընկերը: Երբ մեծ կոմպոզիտորը թափառում էր գյուղերով և ձայնագրում եզդիական երաժշտության դրվագներ, Ուսուբ Բեկը նրա հավատարիմ ուղեկիցն էր։
Հայաստանի առաջին հանրապետության խորհրդարանի պատգամավոր (1918 – 1920): Ուսուբ Բեկը արժանի տեղ է գրավում 1918 թվականի մայիսին հավատարմորեն կռվածների մեջ և պաշտպանում Հայաստանի անկախության իրավունքը։
2020 թվականի սեպտեմբերին, Երևանի ավագանու որոշմամբ, Քանաքեռ-Զեյթուն վարչական շրջանում փողոցներից մեկը անվանվեց Ուսուբ Բեկ Թեմուրյանի պատվին:
