«Գումի շուկայում» մսավաճառներ են բերման ենթարկվել

Վաղ առավոտից ոստիկանները, ՍԱՏՄ ներկայացուցիչներն այցելել են մսավաճառներին՝ վերահսկողություն իրականացնելու իրացվող մսի նկատմամբ։

«Ամբողջ տարի չեք եկել, հիմա հայտնվել եք: Հարցին լուծում տվեք, միայն այսօրվանով չէ»,- նշում էին մսավաճառները:

Մսավաճառներից մեկը, որը համաձայն չէ, որ իր մթերքը առգրավեն, ինքնահրկիզման փորձ է արել, նրա ինքնազգացողությունը տեղում վատացավ, ոստիկանները փորձեցին օգնություն ցույց տալ։

ՍԱՏՄ ներկայացուցիչը նշել է՝ ՀՀ տարածքում վերահսկողություն է իրականացվում իրացվող մսի նկատմամբ, զգուշացրել են քաղաքացիներին, ցավում են՝ չեն պահպանել կանոնները։

Իրավիճակը այնքան լարված էր, որ եկել էին նաև կարմիր բերետավորները:

Երևանի Գումի շուկայում Սննդամթերքի տեսչական մարմնի կողմից անցկացված ստուգումների ընթացքում տեղի ունեցած միջադեպի արդյունքում կան բերման ենթարկվածներ։

Այս մասին հայտնում է Ներքին գործերի նախարարության խոսնակ Նարեկ Սարգսյանը՝ մանրամասնելով, որ անցկացված ստուգումների ընթացքում ոստիկանության աշխատակիցները պարզապես ապահովել են հասարակական կարգը։ 

ՆԳՆ խոսնակը նաև հավելեց, որ բերման ենթարկվածների թվաքանակի վերաբերյալ կտրվի հավելյալ տեղեկատվություն։