Հունիսի 15-ի գիշերը ռուսական զորքերը զանգվածային հարձակման ժամանակ Ուկրաինայի վրա արձակեցին 70 հրթիռ։ Դրանցից ավելի քան 60-ը ուղղված էին Կիևի դեմ։
Կիևի քաղաքապետ Վիտալի Կլիչկոյի խոսքով՝ քաղաքում լսվում են պայթյունների ձայներ, իսկ ՀՕՊ ուժերը ակտիվորեն հետ են մղում օդային հարձակումը։
Ինտենսիվ հարվածների հետևանքով մայրաքաղաքի որոշ շրջաններում բռնկվել են հրդեհներ և գրանցվել են ավերածություններ։
Կլիչկոն հայտնել է, որ Կիևի հյուսիսային մասում վնասվել են էլեկտրահաղորդման գծեր, ինչի հետևանքով մոտ 140,000 բաժանորդ մնացել է առանց էլեկտրաէներգիայի։
Ուկրաինայի նախագահ Վլադիմիր Զելենսկիի հրապարակման մեջ ասվում է. «Անցած գիշեր ռուսները միայն մայրաքաղաքի վրա արձակել են ավելի քան 60 հրթիռ։ Ուկրաինայի վրա ընդհանուր առմամբ արձակվել է 70 հրթիռ և 611 անօդաչու թռչող սարք»։
Այս պահի դրությամբ Կիևում կա չորս զոհ և 28 վիրավոր։
