Ըմբիշ, «Գինեսի» ռեկորդների գրքում ութ անգամ գրանցված մարզիկ Մանվել Մամոյանը մեկնաբանել է ռուս մարզիկներին բազմաթիվ նշանակալից մարզական իրադարձություններից հեռացնելու, ինչպես նաև նրանց նկատմամբ պատժամիջոցներ կիրառելու քաղաքականությունը։
Նա անընդունելի է համարել Պեկինի Օլիմպիական խաղերի ժամանակ տեղի ունեցած իրադարձությունների նկատմամբ անտարբերության դրսեւորումը, ինչպես նաև ռուս մարզիկների նկատմամբ ռուսաֆոբիայի ալիքը։
«Համացանցը լի է վիրավորանքներ պարունակող հաղորդումներով, որոնք հասցեագրված են ռուս մարզիկներին, Ռուսաստանի թիմերին. և՛ Արևմուտքում և՛ ԱՄՆ-ում հեռուստատեսային լրատվամիջոցների դիրքորոշումը պարզապես ապշեցնում է:
Ռուս մարզիկներն արդեն ապացուցել են իրենց հաղթանակած ոգին ու կամքը։ Եվ դա պատվով են արել։
Գոյություն ունի նրանց ինքնիշխանությունը, ազգային շահերը պաշտպանելու բնական գործընթաց»,- ասաց Մամոյանը։
Նա հավելեց, որ այսօր Ռուսաստանի դեմ վիթխարի պատժամիջոցներ են սահմանվել միայն մեկ նպատակով՝ թուլացնել ռուս ժողովրդի ընդհանուր հավաքական ոգին։
Ընդգծելով, որ ինքն անձամբ ազգությամբ ռուս չէ, այլ եզդի, ռեկորդակիրը հնարավոր համարեց աջակցել Ռուսաստանին՝ առանց ռուս կամ այդ երկրի քաղաքացի լինելու։
«Դուք կարող եք խանգարել մեզ՝ մասնակցելու տարբեր միջազգային մրցույթների՝ անկաշկանդ կիրառելով բոլոր այն պատժամիջոցները, որոնք հնարավոր եք համարում, բայց դա մեզ ոչ մի կերպ չի թուլացնի, այլ հակառակը՝ կմիավորի ու կամրապնդի մեզ հոգեպես»,-ամփոփեց Մամոյանը։
