Գազային սովն է սպառնում, Իսրայելն անդրդվելի է, ՄԱԿ-ը չի կարողանում օգնություն հասցնել անկլավ

Իսրայելը շարունակում է գործողությունները Գազայում՝ չնայած միջազգային ճնշմանը՝ դադարեցնելու ռազմական գործողությունները և թույլ տալու մարդասիրական օգնության անարգել մատակարարումը. գրում է BBC-ն։

 Գազայի հատվածում երեքշաբթի  շարունակվող օդային հարվածների հետևանքով զոհվել է առնվազն 55 մարդ, հայտնել են պաղեստինցի բժիշկները։ AFP-ն հաղորդում է, որ չորեքշաբթի գիշերը տեղի ունեցած հարվածների հետևանքով զոհվել է ևս 19 մարդ։

Իսրայելը կիրակի օրը համաձայնեց թույլատրել «անհրաժեշտ քանակությամբ սնունդ» մատակարարել Գազա, որին,  միջազգային փորձագետների կարծիքով, կարող է սպառնալ սովը։

Այնուամենայնիվ, ՄԱԿ-ը հայտարարում է, որ Գազայում մարդասիրական օգնությունը դեռևս չի հասել իր մարդկանց, չնայած 11 շաբաթ տևած շրջափակումից հետո օգնություն տեղափոխող բեռնատարները սկսել են հատել սահմանը։ Իսրայելը հայտարարել է, որ ալյուր, մանկական սնունդ, բժշկական սարքավորումներ և դեղորայք տեղափոխող 93 բեռնատարներ  «մանրակրկիտ ստուգումից հետո» երեքշաբթի  հասել  են Գազա։

ՄԱԿ-ի խոսնակ Ստեֆան Դյուժարիկը հայտարարել է, որ իր աշխատակիցները «ժամերով սպասել են», որ Իսրայելը թույլ տա իրենց մուտք գործել տարածք, սակայն նրանք չեն կարողացել մատակարարումները հասցնել պահեստ։

«Իսրայելի իշխանությունները պահանջում են, որ մենք բեռնաթափենք բեռը Քերեմ Շալոմ անցակետի պաղեստինյան կողմում և առանձին վերբեռնենք այն, երբ նրանք մեր թիմին Գազայից մուտքի թույլտվություն տան», – ասաց Դյուժարիկը։

ՄԱԿ-ը գնահատմամբ՝ Գազային օրական անհրաժեշտ է 600 բեռնատար մարդասիրական օգնություն։

Մեծ Բրիտանիայի վարչապետ Քեյր Սթարմերը հայտարարել է, որ ինքը, Ֆրանսիայի և Կանադայի առաջնորդների հետ «սարսափած» է Իսրայելի կողմից սրվող ռազմական գործողություններից և կրկնել է հրադադարի կոչերը։

Երկուշաբթի  երեք երկրները զգուշացրել են Իսրայելի դեմ «կոնկրետ գործողությունների» մասին, եթե այդ երկիրը  չդադարեցնի ռազմական գործողությունները Գազայում և չվերացնի մարդասիրական օգնության սահմանափակումները։

Առևտրային բանակցությունների դադարեցումից բացի, Մեծ Բրիտանիան հայտարարել է  պատժամիջոցների մասին Իսրայելի կողմից օկուպացված Արևմտյան ափի մի շարք անհատների և խմբերի նկատմամբ՝ պաղեստինցի բնակիչների նկատմամբ ենթադրյալ բռնության համար։

Իսրայելի վարչապետ Բենիամին Նեթանյահուն արձագանքել է Սթարմերի, Մակրոնի և Քարնիի հայտարարությանը՝ այն անվանելով «մեծ պարգև նրանց համար, ովքեր իրականացրել են 2023 թվականի հոկտեմբերի 7-ի ցեղասպանությունը» և վստահեցրել, որ Իսրայելը կպայքարի, մինչև ՀԱՄԱՍ-ը պարտվի։