Դուք լրիվ Սպարտակի թվի պատմություն եք պատմում։ Բոլոր նրանք, ովքեր կալանավորվել են, ես ի՞նչ կապ ունեմ դրանց հետ։ Մամիկոն Ասլանյանը, Արմեն Աշոտյանը կալանավորվել են, ես դրանց հետ ի՞նչ կապ ունեմ. լրագրողի հարցին, թե ձեր կառավարման օրոք են այս մարդիկ կալանավորվել, այսպես պատասխանեց Փաշինյանը։ Նա նաև շնորհավորեց Արմեն Աշոտյանի տարեդարձը։
-Ոչ մեկի մեղքն ապացուցված չի, քանի դեռ չկա մեղադրական դատավճիռ, ես ի՞նչ մեկնաբանեմ։ Ես մեկնաբանելու բան չունեմ։
Քաղաքական մոտիվնեով են կալանավորվել թե՛ Աշոտյանը, թե՛ Ասլանյանը, թե՛ Գրիգորի Խաչատուրովը. հավելեց լրագրողը։
«Ձեր նշած գործերի հետ կապված մեկնաբանություն չունեմ, բայց 2020 թվականի նոյեմբերի 9-ից հետո քաղաքական շատ շրջանակներ ինձ մեղադրում էին Շուշին հանձնելու մեջ։ Ես էլ ասում էի Շուշիի հանձնման դրվագը պետք է քննվի։ Քննությունը եկավ –հասավ արդյունքի, եղավ կալանավորված անձ։ Հետո եղան այդ անձին պաշտպանողներ։
Ինձ էիք մեղադրում հողեր հանձնելու մեջ։ Ասում էի՝ պետք է պատերազմական դրվագները քննվեն։ Ստացվում է, որ եթե պատերազմի ժամանակ հրամանը ես եմ տվել, ուրեմն արժի, որ քննվի, եթե ես չեմ տվել, չարժի, որ քննվի»։
Փաշինյանը վերջում հայտարարեց, որ բացառվում է, որ այդ մարդիկ լինեն քաղբանտարկյալ, բա-ցառ-վում է։
