Պետական եկամուտների կոմիտեի նախագահի առաջին տեղակալ Արտյոմ Սմբատյանը ազատման դիմում է գրել։ Այս մասին տեղեկացնում է hraparak.am-ը՝ հղում անելով վարչապետի աշխատակազմի իր աղբյուրներին։
Կայքի աղբյուրը փոխանցել է, որ դիմումն արդեն ներկայացվել է Նիկոլ Փաշինյանին, որը թերեւս կհրապարակվի առաջիկա օրերին։
Սմբատյանն այդ պաշտոնում նշանակվել է 2021 թվականի օգոստոսի 25-ին՝ վարչապետի հրամանով։
Մինչ այդ նա զբաղեցնում էր առողջապահության նախարարի տեղակալի պաշտոնը։ Մեր աղբյուրներից պարզեցինք, որ Սմբատյանի ազատման պատճառը առողջական խնդիրներն են։
