Արցախում ՌԴ խաղաղապահ զորախմբի նոր հրամանատար է նշանակվել գեներալ-գնդապետ Ալեքսանդր Լենցովը

Արցախում ՌԴ խաղաղապահ զորախումբը նոր հրամանատար ունի. նա գեներալ-գնդապետ Ալեքսանդր Լենցովն է:

Այս մասին Sputnik Արմենիային հայտնել է ՌԴ ՊՆ–ի աղբյուրը։

Ռուսաստանի Դաշնության պաշտպանության նախարարի նախկին խորհրդական Լենցովն այս պաշտոնում կփոխարինի գեներալ-մայոր Անդրեյ Վոլկովին։

Մինչև 2020 թվականը Ալեքսանդր Լենցովը եղել է ցամաքային զորքերի գլխավոր հրամանատարի տեղակալը։ Նա Չեչնիայի առաջին և երկրորդ պատերազմների, Սիրիայում ռուսական ռազմական գործողության մասնակից է։