Ապրիլի 5-ի հանրահավաքի ընթացքում Երևանի Ֆրանսիայի հրապարակում տեղադրվել է Արցախի Հանրապետության պետական դրոշը։ Ինչ-որ անձինք այսօր այն ներկել են։ Ազգային ԱԺԲ-ի ներկայացուցիչները հայտնել են, որ դա արվել է իրենց նախաձեռնությամբ, քանի որ Արցախի դրոշը չեն ճանաչում ու համարում են, որ Արցախն ու Հայաստանը պետք է մեկ դրոշ ունենան՝ Եռագույնը։ Այդ կապակցությամբ ընդդիմադիր գործիչները, ինչպես նաև բազմաթիվ քաղաքացիներ իրենց անհամաձայնությունն ու բողոքն են հայտնել։
«Հայաստան» խմբակցության պատգամավոր Արթուր Ղազինյանը գրել է. «Այդ դրոշի դեմ կռիվ են տալիս ադրբեջանցիները, թուրքերն ու . . . «նիկոլները»-ը. այս դրոշը նյարդայինացնում ու գրգռում է ադրբեջանցիներին, թուրքերին ու . . . «նիկոլներին»ին.Այս դրոշը եղել է, կա ու կլինի, ի հեճուկս ադրբեջանցիների, թուրքերի ու . . . «նիկոլներ»-ի։
Քիչ առաջ հայտնի դարձավ, որ Արցախի դրոշը նորից է տեղադրվել Ֆրանսիայի հրապարակում։
