Արդ, այս գործերն արա՛, որպեսզի ատես Նիկողայոսի գործերը, որին ատում եմ ես

/Սուրբ Յովհաննէս Առաքեալի յայտնություն, Գլուխ 2, ՊԱՏԳԱՄ ԵՓԵՍՈՍԻ ԵԿԵՂԵՑՈՒՆ/

Լսելով պրն. Փաշինյանի աղոթքների ցիտումը, անկեղծորեն վստահ էի դրա սպեկուլյատիվ բնույթի մասին…

Իր պոպուլիստական ՍՏՈՒլիսի ժամանակ, Փաշինյանը իր սովորության համաձայն աղոթքով պատասխանեց անեծքից վախենալու իրեն տրված հարցին, որտեղ լրագրողը աշխարհի ամենավախկոտ մարդուն, Նիկոլ Փաշինյանին, ով իր շվաքից է վախենում, հարցրեց, թե չի վախենում արդյոք նա Աստծո անեծքից։ Փաշինյանը դրան պատասխանեց Դավթի Սաղմոսների Գրքի 118-րդ սաղմոսի 21 աղոթքներից իր ընտրությամբ մեկով, սակայն ես կարծում եմ, որ Փաշինյանի համար ավելի հարիր կլիներ, որ կարդար նույն, 118-րդ սաղմոսի վերջին 21-րդ աղոթքը, որն անվանվում է «ՕԳՆՈւԹՅԱՆ ՀԱՄԱՐ» և հատուկ առոգանությամբ արտաբերեր հատկապես այդ աղոթքի վերջին՝ 176 տողը «Մոլորուեցի կորուսեալ ոչխարի պէս, փնտռի՛ր ծառայիդ, քանզի պատուիրաններդ չեմ մոռացել» (աղոթքի տեքստը՝ ստորև, պոստսկրիպտումում)։ Կարծում եմ որ այս աղոթքը ուղիղ համապատասխանում է մի մարդու, ով իր կյանքի ընթացքում խախտել է ԱՍՏԾՈ ԲՈԼՈՐ 10 պատվիրանները…

Իսկ մնացած, Փաշինյանի՝ սաղմոսագիտությամբ հրապուրվածների մասով ասեմ, որ սատանան հիանալի տիրապետում է Աստվածաշնչին և ուզում եմ Աստվածաշնչից մեջբերեմ Սուրբ Հովհաննես Առաքեալի և Աստվածաբան Ավետարանչի Հայտնությունից մի հատված, որն անվանվում է «Պատգամ Եփեսոսի Եկեղեցուն»։ Ուշադիր եղեք խնդրում եմ 6-րդ խոսքին՝ «Արդ, այս գործերն արա՛, որպէսզի ատես ՆԻԿՈՂԱՅՈՍԻ գործերը, որին ատում եմ ես…»

ՊԱՏԳԱՄ ԵՓԵՍՈՍԻ ԵԿԵՂԵՑՈՒՆ

1 «Եփեսոսի եկեղեցու հրեշտակին գրի՛ր. «Այսպէս է ասում նա, որ եօթը աստղեր ունի իր աջ ձեռքում եւ շրջում է եօթը ոսկէ աշտանակների միջեւ: 2 Գիտեմ քո գործերը, քո աշխատանքները, քո համբերութիւնը եւ որ չես կարող տանել չարերին. փորձեցիր նրանց, որ իրենք իրենց մասին ասում են, թէ առաքեալներ են, բայց չեն. եւ գտար, որ նրանք սուտ են խօսում: 3 Եւ համբերեցիր ու վշտացար իմ անուան համար եւ տանջուեցիր: 4 Բայց քո դէմ ասում եմ՝ թողեցիր քո առաջին սէրը: 5 Յիշի՛ր այժմ որտեղի՛ց որ ընկար, ապաշխարի՛ր եւ քո նախկին գործերն արա՛, ապա թէ ոչ ես իսկոյն կը գամ եւ կը շարժեմ քո աշտանակներն իրենց տեղերից, եթէ չապաշխարես: 6 Արդ, այս գործերն արա՛, որպէսզի ատես Նիկողայոսի գործերը, որին ատում եմ ես: 7 Ով ականջ ունի լսելու, թող լսի, ինչ որ Հոգին ասում է եկեղեցիներին. ով յաղթի, ես նրան թոյլ կը տամ ուտելու կեանքի ծառից, որ գտնւում է Աստծու դրախտի մէջ»:

P.S.

ԱՂՕԹՔ ՕԳՆՈՒԹԵԱՆ ՀԱՄԱՐ

Թաւ

169 Իմ խնդրանքները թող մօտենան քեզ, Տէ՛ր, քո խօսքի համաձայն իմաստո՛ւն դարձրու ինձ:

170 Իմ աղօթքը թող հասնի քեզ, Տէ՛ր, եւ քո խօսքով փրկի՛ր ինձ:

171 Իմ շրթունքները քեզ օրհնութիւն կը բխեցնեն, երբ ինձ սովորեցնես քո արդարադատութիւնը:

172 Իմ լեզուն քո խօսքերը կ՚արտասանի, քանզի քո բոլոր պատուիրաններն արդար են:

173 Քո ձեռքն իմ պահապանը թող լինի, քանզի քո պատուիրաններն ընտրեցի:

174 Քո շնորհելիք փրկութիւնը ցանկացայ, Տէ՛ր, եւ քո օրէնքներն իմ խօսքերն եղան:

175 Թող ես ապրեմ,որ օրհնեմ քեզ, եւ քո արդարադատութիւնն ինձ թող օգնի:

176 Մոլորուեցի կորուսեալ ոչխարի պէս, փնտռի՛ր ծառայիդ, քանզի պատուիրաններդ չեմ մոռացել:

Միհրդատ Ռոստոմի Մադաթյան, հոգեբան