ՀՀ արտգործնախարար Արարատ Միրզոյանը Թեհրանում է։ Նա Իրան է այցելել երկրի արտգործնախարար Հոսեյն Ամիր-Աբդոլլահիանի հրավերով։
Ողջույնի արարողությունից հետո կողմերը սկսել են երկկողմ բանակցությունները, որտեղ քննարկվել են համագործակցության զարգացումը, ինչպես նաև տարածաշրջանային ու միջազգային արդիական հարցեր։
Հանդիպումից հետո Թեհրանում նախատեսված է նախարարների մամուլի ասուլիսը:
Նախատեսված են Հայաստանի արտգործնախարար Արարատ Միրզոյանի բանակցությունները Իրանի Իսլամական Հանրապետության մյուս պաշտոնյաների հետ։
