«Անհեթեթություն է». Պեսկովն այսպես է որակել հայկական ԶԼՄ-ներից մեկի հրապարակումն այն մասին, թե իբր Ռուսաստանը ձգտում է, որ Հայաստանն անդամակցի ՌԴ և Բելառուսի Միութենական պետությանը

Անհեթեթություն է. Պեսկովն այսպես է որակել հայկական ԶԼՄ-ներից մեկի հրապարակումն այն մասին, թե իբր Ռուսաստանը ձգտում է, որ Հայաստանն անդամակցի ՌԴ և Բելառուսի Միութենական պետությանը։

Հիշեցնենք, որ,

ՀՀ վարչապետ Նիկոլ Փաշինյանի ընտանիքին պատկանող «Հայկական Ժամանակ» օրաթերթում (պարբերականի գլխավոր խմբագիրը Փաշինյանի կինն է` Աննա Հակոբյանը) հրապարակվել է «Ինչ է ուզում Ռուսաստանը՝ ի գիտություն Վեհափառի, երեք նախագահների և փորձագիտական հանրության» վերտառությամբ հրապարակումը:

Դրանում գնահատականներ են հնչում Ռուսաստանի` մեր տարածաշրջանում դերի ու կեցվածքի մասին։ Մասնավորապես, ասվում է, որ Մոսկվայի նպատակն է հասնել նրան, որ ՀՀ–ն դառնա «Ռուսաստան-Բելառուս» միութենական պետության կամ Ռուսաստանի մաս։ Եվ որ իբր ՌԴ-ն Հայաստանի տարածքով միջանցքի տրամադրման հիմնական շահառուն է։

Ընդ որում, ՀՀ ԱԺ խոսնակ Ալեն Սիմոնյանը լրագրողներին այսօր ասել է, որ Ռուսաստանը Հայաստանին չի պարտադրում անդամակցել Միութենական պետությանը: Նա բացառում է այդ տարբերակը։ Եվ նույնիսկ հավաստի չի համարում այն աղբյուրը, որին հղում է անում վարչապետ Նիկոլ Փաշինյանի ընտանիքին պատկանող թերթը։

Աղբյուր` «Սպուտնիկ Արմենիա»