Փաստաբան Տիգրան Աթանեսյանը ֆեյսբուքյան գրառում է արել, որում նշում է, որ այսուհետ յուրաքանչյուր ոք կարող է ԱԺ նախագահ Արարատ Միրզոյանին անվանել «թուրքի շպիոն», «ԱԱԾ գործակալ», և նա չի կարող տվյալ անձի դեմ դիմել դատարան։ Գրառման մեջ ասվում է․
«Ի դեպ, թուրքի շպիոն Օմեգային բացահայտող տեսանյութի տարածումից (16.01.2021թ) անցել է մեկ ամսից ավելին, ուստի համաձայն ՀՀ քաղաքացիական օրենսգրքի 1087.1 հոդվածի, Օմեգան կորցրել է վիրավորանքի կամ զրպարտության հիմքով հայց ներկայացնելու իրավունքը (այս դեպքերում գործում է հայցային վաղեմության հատուկ ժամկետ՝ մեկ ամիս հրապարակման պահից): Այդ մասին մինչ այս պահը չկա որևէ տեղեկատվություն դատալեքս համակարգում: Չի ներկայացվել նաև հաղորդում հանցագործության մասին:
Այսուհետ՝ յուրաքանչյուր ոք ազատ է ՀՀ Ազգային ժողովի նախագահ Արարատ Սամվելի Միրզոյանին անվանել «թուրքի շպիոն», «ԱԱԾ գործակալ» կամ պարզապես «Օմեգա» և նա չի կարող ձեր դեմ դիմել դատարան»:
