Հ. Չաքրյան
Գրպանային “Հայրենիք” կուսակցության գլխավոր նախագահ Դողու Փերինչեքը Հայոց ցեղասպանության թուրքական ժխտողականության հանրահայտ առաջամարտիկներից է, ինչպես նաև Թուրքիայում “խորքային պետության” առանցքային դեմքերից: Թերևս դա է պատճառը, նաև տասնյակ տարիների սերտ համագործակցություը թուրքական գաղտնի ծառայությունների հետ, որ չնայած իր կուսակցության “գրպանային” բովանդակությանը, մեծ կշիռ ունի երկրի քաղաքական կյանքում:
Ինչ վերաբերում է Փերինչեքի լկտի հայտարարությանը, ապա այդ մասին օգոստոսի 25-ին նշել է թուրքական “mynet.com” կայքէջը: Ահա թե ինչ է գրել. “Հայրենիք կուսակցության առաջնորդ Փերինչեքն Աֆղանստանին առնչվող հայտարարություններ արեց: Նա “Ulusal TV”-ի էկրանից, ի դեպ՝ այս հեռուստաալիքը պատկանում է նրա կուսակցությանը, “Թալիբանի” իշխանության գալը Աֆղանստանում նմանեցրեց քեմալականների “ազատագրական” պատերազմին: Երեկ գիշեր նա, մասնակցելով վերոհիշյալ հեռուստատեսության “Ելքի ճանապարհ” ծրագրին, ասաց հետևյալը. “Թալիբների վարչակարգին ճանաչելու են բոլորը, մասնավորապես ԱՄՆ-ը, այն էլ “իշու պես”: Մինչև 1971 թիվը Ամերիկան հայտարարում էր, որ չի ճանաչի Չինաստանին, բայց իշու պես ճանաչեց: Իշու պես ճանաչելու է նաև Աֆղանստանը: Էշ արտահայտությունը հատուկ եմ ընտրել, ընդ որում սիրով, մտածում և նոր եմ ընտրում:
Փերինջեքը հավանություն տալով “Հանրապետական կանանց” միության հաղորդագրությանը, որտեղ միությունը ճանաչում է “Թալիբանին”, ընդգծեց, որ դա հակաիմպերիալիստան, ժողովրդական և Աթաթուրքի առաջադեմ գաղափարներին արտացոլող հաղորդագրություն է: Նա խստագույնս քննադատեց կանանց այլ միություններին, թե ցեխ շպրտում Աֆղանստանի “ազատագրական պատերազմին”, ասելով. “Դուք ի՞նչ եք ներկայացնում ձեզանից, որ չեք ճանաչում, մի ճանաչեք, միևնույն է ձեր տիրակալները՝ ԱՄՆ-ը, Գերմանիան, Ֆրանսիան ճանաչելու են թալիբների Աֆղանստանը ”: Վերջում Փերինչեքը թալիբների կազմակերպությանը պաշտոնապես ճանաչելու խորհուրդ տվեց թուրքական պետությանը, պայմանով, որ Աֆղանստանն էլ փոխարենը ճանաչի “Հյուսիսային Կիպրոսի թուրքական հանրապետությանը”:
